Sino Ako

Napapaloob sa paskil na ito ay mga salita ng Dios na mahirap maunawaan.

Dan 12:10 Marami ang magpapakalinis, at magpapakaputi, at magpapakadalisay; nguni’t ang masasama ay gagawa na may kasamaan; at wala sa masasama na makakaunawa; nguni’t silang pantas ay mangakakaunawa.

Layon nito ay ang makapag-akay ng mga kaluluwang naliligaw ng landas bagama’t hindi lahat ay makaka-unawa lalong lalo na yung mga nasa kadiliman.

1 Thess 5:5 Sapagka’t kayong lahat ay pawang mga anak ng kaliwanagan, at mga anak ng araw: tayo’y hindi ng gabi, ni ng kadiliman man;

Dapat ninyong malaman na gaya ninyo ako man ay nagsusumikap na maging dapat sa Dios at handang magtiis hanggang wakas.

Acts 24:16 Na dahil nga rito’y lagi rin akong nagsasanay upang magkaroon ng isang budhing walang kapaslangan sa Dios at sa mga tao.

Na may panampalatayang panatag na may pagasa sa buhay na walang hanggan.

Ngayo’y narito, dinggin mo ang mga salita, hindi ng salita ko, kundi ng mga salita ng Dios na magsisilbing tanglaw mo sa kadiliman papunta sa liwanag ng buhay ngayon at hanggang sa panahon ng iyong kawakasan.

2 Tim 3:16 Ang lahat ng mga kasulatan na kinasihan ng Dios ay mapapakinabangan din naman sa pagtuturo, sa pagsansala, sa pagsaway, sa ikatututo na nasa katuwiran:

Dalangin ko ang iyong pagbabago sa ikatitibay. My Christian blog in English: www.kaspagarigan.wordpress.com